• IMG 0139
  • IMG 0141
  • IMG 0136
  • IMG 0134
  • IMG 0144
  • hug4

postur1-1

Mentor-01

outlook1-1

Denmark       United Kingdom

50 ára afmælisdagur Háteigsskóla 15. nóvember

Fimmtudaginn 15. nóvember varð Háteigsskóli 50 ára. Í tilefni af afmælinu var ákveðið að slá hring utan um skólann og safnast síðan saman á lóðinni og syngja afmælissönginn. Allir tóku þátt, bæði nemendur, skólaliðar, stuðningsfulltrúar, kennarar og aðrir. Undir léku hornaleikarar, Ari Agnarsson og nemendur hans. Þetta gekk ótrúlega vel og allir glaðir, enda allir jákvæðir og veður hið besta. Endað var með faðmlögum áður en haldið var aftur inn í kennslustundirnar.

Hér er slóð á myndband sem var tekið úr dróna af af viðburðinum. 

Prenta | Netfang

50 ára afmæli Háteigsskóla

Háteigsskóli heldur upp á 50 ára afmæli sitt næstkomandi laugardag, 17. nóvember, kl. 13:00 - 15:00. Þetta er gert undir yfirskriftinni: Svona erum við. Skólinn verður til sýnis og hægt verður að ganga um og skoða öll rými. Klukkan 13:00 verður stutt dagskrá í sal þar sem kór skólans syngur nokkur lög undir stjórn Sigurðar Bragasonar tónmenntarkennara. Klukkan 14:30 verður í sal skólans, óvænt atriði frá fyrrverandi nemanda.

Allir velunnarar skólans, eldri sem yngri nemendur, starfsfólk og foreldrar eru hjartanlega velkomnir.

IMG 0422b

Gefið var út veglegt afmælisblað í tilefni 40 ára afmælis Háteigsskóla, árið 2008, og má þar m.a. lesa um sögu skólans, en hún teygir sig allt aftur til ársins 1908, þegar kennaramenntun hófst á landinu. Lesa má blaðið hér.
Saga skólans er líka hér á heimasíðunni.

Prenta | Netfang

Gjöf frá foreldrafélagi Háteigsskóla

Í haust fengum við að gjöf enn einn skjávarpa ásamt festingum frá foreldrafélagi skólans. Nú erum við búin að koma skjávarpa í bekkjarstofur og erum byrjuð að setja þá í sérgreinastofurnar líka. 

Við þökkum innilega fyrir okkur.

Prenta | Netfang

Upright

Háteigsskóli tekur þátt í afar stóru samevrópsku verkefni sem kallast UPRIGHT og miðar að því að efla vellíðan og seiglu krakkanna okkar. Þátttakendur eru nemendur í 7. og 9. bekk skólans ásamt foreldrum og starfsfólki.

Markmið verkefnisins er að þróa námsefni og námsumhverfi sem á að stuðla að vellíðan meðal ungmenna með heildrænni nálgun í skólasamfélaginu, m.a. með því að efla seiglu (e. resilience) þeirra; þ.e.a.s. getu til að takast á við krefjandi verkefni unglingsáranna, en það er tímabil ævinnar sem einkennist af örum breytingum. Þá verður einnig unnið með það að takast á við áskoranir, eflingu sjálfstrausts og félags- og tilfinningahæfni. Jafnframt er verkefninu ætlað að stuðla að góðri líðan skólasamfélagsins í heild þar sem kennarar og annað starfsfólk skólanna ásamt foreldrum eru lykilpersónur.

Upright

Prenta | Netfang

Íslensku barnabókaverðlaunin

Íslensku barnabókaverðlaunin voru afhent við hátíðlega athöfn hér í Háteigsskóla. Verðlaunin voru afhent af stjórn verðlaunasjóðs íslenskra barnabóka.

Birkir Blær Ingólfsson, rithöfundur, tónlistarmaður og blaðamaður, er handhafi Íslensku barnabókaverðlaunanna fyrir bók sína Stormsker - Fólkið sem fangaði vindinn.

Íslensku barnabókaverðlaunin voru stofnuð í tilefni af sjötugsafmæli rithöfundarins Ármanns Kr. Einarssonar og hafa verið veitt frá árinu 1986.

Það er skemmtilegt að segja frá því að í tvígang hafa þessi verðlaun verið veitt til kennara sem kennir hér við Háteigsskóla. Hann heitir Guðmundur Ólafsson og fékk Íslensku barnabókaverðlaunin árið 1986 fyrir bókina Emil og Skundi og svo aftur árið 1998 fyrir unglingabókina Heljarstökk afturábak

Við athöfnina söng skólakór Háteigsskóla undir Sigurðar Péturs Bragasonar og einnig lék Alexander Viðar á flygil. 

Þess má geta að Birkir Blær Ingólfsson var eitt sinn nemandi hér við Háteigsskóla.

Á myndinni er verðlaunahafinn ásamt Æsu Guðrúnu Bjarnadóttur frá Forlaginu og Ingvar og Anna Soffía, nemendur hér í skólanum, sem skipuðu dómnefnd ásamt fleirum.

verlaunahafi

Prenta | Netfang

Fleiri greinar...

Háteigsskóli, v/Háteigsveg, 105 Reykjavík | Sími: 530-4300, Símbréf (fax): 530-4301
Netfang: This e-mail address is being protected from spambots. You need JavaScript enabled to view it.
Íþróttahús: 553-6887 | Hjúkrunarfræðingur: 530-4306 | Halastjarnan, s. 411-5580 og 663-6102