• IMG 0150
  • IMG 0148
  • hug4
  • IMG 0133
  • IMG 0151
  • IMG 0140

postur1-1

Mentor-01

outlook1-1

Denmark       United Kingdom

Skipulag síðustu daga skólaársins

Síðustu daga skólaársins er stundaskrá ekki í gildi, en nemendur taka þátt í ýmsum óhefðbundnum verkefnum, bæði úti og inni.

juni 18

Prenta | Netfang

Hendum ekki mat

Nemendur 6. bekkjar héldu áfram með matarsóunar-verkefnið sem þeir byrjuðu á í febrúar. Dagana 24. - 27. apríl var maturinn vigtaður sem fór í ruslið. Útkoman var 28,3 kg sem er svipuð og var í mars. Þó sást vel að nemendur hentu minna eftir að þeir sáu að vigtun var byrjuð. Einnig var áberandi að 6. bekkurinn sem var með verkefnið henti áberandi minna af mat, bæði inni í stofu (engar matarleifar) og í matsal, alveg frá því að verkefnið hófst. Ef við hendum mat upp á meira en eina milljón króna hvern vetur, þá er ljóst að gera þarf ráðstafanir til að draga úr þessari sóun. 

Prenta | Netfang

Ævintýralestur

Á vordögum var boðið upp á Ævintýralestur á skólasafninu fyrir nemendur í 2.-7. bekk. Bókaútgáfan IÐNÚ styrkti verkefnið og gaf vinninga í nokkrum flokkum.

Verðlaunin voru veitt í morgun við samsöng á sal.

Í flokknum „Að lesa“ var skilað inn fimmtíu lestrarmiðum, á hvern miða voru skráðar þrjár bækur, og því lesnar 150 bækur í átakinu. Lestrarmiði nemanda í 2. bekk var dreginn úr bunkanum og fékk hann sex nýjustu bækurnar í Óvættarfarar seríunni að gjöf.

Í flokknum „ Að lita“ gátu nemendur sem lásu bækur í Óvættarfarar seríunni valið sér mynd úr bókaflokknum, litað og skilað inn. Mynd nemanda í 3. bekk var dregin úr 35 mynda bunka og fékk hann gefins nýjustu Óvættarfararbókina og Óvættarfararlitabók.

Í síðasta flokknum „Að skapa“ fékk nemandi í 6. bekk sem skilaði inn frumsaminni sögu nýjustu Óvættarfararbókina og ritfangasett.

Nemendur og aðstandendur þeirra eru hvattir til að gera lesturinn að leik og skemmtun í sumar.

vinningshafar i aevintyralestri1

Prenta | Netfang

Skóladagatal 2018 - 2019

Skóladagatal fyrir næsta vetur er komið á heimasíðu skólans.

Smelltu hér til að sækja það.

Prenta | Netfang

Vorhátíð Háteigsskóla á morgun, 12. maí

Foreldrafélag Háteigsskóla heldur sína árlegu vorhátíð næstkomandi laugardag, 12. maí, kl. 12:00 - 15:00.

Dagskrá hátíðarinnar er fjölbreytt - danssýning, stuttmyndasýning og vinningshafar í hæfileikakeppni miðstigs sýna í hátíðarsal, opnar stofur þar sem verk nemenda eru til sýnis, einnig verða myndmennta- og smíðastofan opnar. Ljóðaleit verður á bókasafni, andlitsmálun og pylsusala í anddyri, ís frá Valdís seldur í fjáröflun fyrir Reykjaferð 7. bekkinga næsta vetur, kaffihús við glerskála þar sem 10. bekkingar selja kaffi og meðlæti til styrktar útskriftarferð. Úti verður hoppukastali, veltibíll og fleira.

Allir vinir skólans eru hjartanlega velkomnir - nemendur, verðandi, núverandi og fyrrverandi, nágrannar og aðstandendur.

Prenta | Netfang

Fleiri greinar...

Háteigsskóli, v/Háteigsveg, 105 Reykjavík | Sími: 530-4300, Símbréf (fax): 530-4301
Netfang: This e-mail address is being protected from spambots. You need JavaScript enabled to view it.
Íþróttahús: 553-6887 | Hjúkrunarfræðingur: 530-4306 | Halastjarnan, s. 411-5580 og 663-6102